Tuesday, June 30, 2009

എന്‍റെ കവിത


വേദനിക്കും മനസ്സിന്‍
മൌനസംഗീതമെന്റെ കവിത.
എന്‍ സ്മിതത്തിലൂറൂം നിന്‍
സ്നേഹച്ചുംബനമെന്റെ കവിത.
മായാസ്വപ്നത്തിന്‍ മന്ജലില്‍
മയങ്ങും മന്ജിമയെന്റെ കവിത.
നിന്‍ പ്രാണനില്‍ പൂത്ത
പനിനീര്‍പൂവെന്റെ കവിത.
പൂക്കുമത്, പൊഴിയുമത്,
പുഞ്ചിരി തന്‍
പൂന്ഞിരകണിഞ്ഞു
പാറി പറക്കുമത്,
പൊട്ടിച്ചിരി തന്‍ ഫണം
വിടര്‍ത്തി ശീല്ക്കരിക്കുമത്,
അഴലിന്‍ ചില്ലയില്‍
അടരാന്‍ വെമ്പുമൊരു
കണ്ണീര്‍ പൂവാകുമത്,
നിന്‍ ചൊടിയിലൊരു
ചെറുചിരി വിടര്‍ത്തുമത്,
പിന്നയോ....
കണ്കോണിലൊരു
കണ്ണീര്‍തുള്ളിയാവുമത്,
ചിലരില്‍ രാഗമാവുമത് ,
ചിലരില്‍ ശ്വാസമാവുമത് ,
ചിലരില്‍ പരിഹാസപാത്രമാവുമത്...
എന്നിലോ,
പ്രണയത്തിന്‍ മാസ്മരികതയില്‍
മയക്കിയ മായജാലകനെന്റെ കവിത .
സുഖമെഴും നോവുണര്‍ത്തും
ജീവശ്വാസമെന്റെ കവിത.

1 comment:

  1. ഒരു സുഖമുള്ള രചനാരീതി... വളരെ ഇഷ്ടപ്പെട്ടു.

    ReplyDelete

There was an error in this gadget