Thursday, June 26, 2014

തിരക്കൊഴിയുമ്പോള്‍

വല്ലപ്പോഴും വിളിച്ച് മിണ്ടുന്ന ഒരുത്തി ,
ആദ്യത്തെ റിങ്ങിനവസാനം 
കരുതി കേട്ടു കാണില്ലെന്ന്,
രണ്ടാമത്തേതില്‍,
തിരക്കിലാവുമെന്ന് ,
മൂന്നാമത്തേതില്‍ കണ്ടിട്ടും
കാണാതെ നടിച്ചതെന്ന്,



അക്കമിട്ടു നിരത്തിയ
പ്രരാബ്ധപട്ടികയില്‍ 
വീട്ടുജോലി ,
പുറം ജോലി ,
ഭര്‍ത്താവ് ,
കുട്ടികള്‍,
അലച്ചില്‍ ,

നീ തിരക്കിലെന്ന്
കോള്‍ സെന്‍റെറിലെ പെണ്ണ്
പറയുന്നതു ശരിതന്നെയാവണം .



എന്നെപ്പോലെ അവള്‍ക്കും
അറിയില്ലല്ലോ ,
തിരക്കെല്ലാം ഒഴിവാക്കി
മാസങ്ങള്‍ക്ക് മുന്നേ
നീ കടന്നു കളഞ്ഞെന്ന്.



നിന്റെ തീര്‍ന്ന് പോയ
തിരക്കിലേക്ക്
ഞാനെന്‍റെ
അവസാനത്തെ sms അയക്കുന്നു, 



മരിച്ചു പോയവളെ


''തിരക്കൊഴിയുമ്പോള്‍ ഒന്നെന്നെ വിളിക്കണേ"

3 comments:

  1. തിരക്കൊഴിയാത്തവള്‍....
    നല്ല വരികള്‍.

    ReplyDelete
  2. തിരക്കൊഴിയുന്നതെപ്പോള്‍!!!

    ReplyDelete
  3. നന്നായി എഴുതി


    ശുഭശംസകൾ......

    ReplyDelete