Saturday, December 4, 2010

കളര്‍ മിട്ടായി


പള്ളിമുറ്റത്തെ കെട്ടുകടകളില്‍
പല വര്‍ണ്ണങ്ങളില്‍ നിരന്നിരിപ്പുണ്ട്
നാവിലലിയുന്ന ഓര്‍മ്മകളുമായി
കളര്‍ മിട്ടായികള്‍.

വില്‍ക്കുന്നവന്റെ കണ്ണുകളില്‍,
മാടി വിളിക്കുന്ന കൈയ്യില്‍,
പൊടിയുന്ന വിയര്‍പ്പില്‍ ,
പോലും നിറമുള്ള മധുരം.

പഴയ കടലാസ്സില്‍ പൊതിഞ്ഞു
തന്നിരുന്ന കൌതുകത്തിന് നിറം,
ചുവപ്പ്,
പച്ച,
മഞ്ഞ,
വെള്ള.

എത്ര മുഖം തിരിച്ചാലുമെനിക്ക് കാണാം,
ചുണ്ടിലും നാവിലും ചോപ്പ് നിറവുമായി,
നനവുള്ള പൊതി മാറോടടക്കുന്ന,
എന്റെ മുഖച്ചായയുള്ള ഒരു പെണ്‍കുട്ടിയെ.......

9 comments:

  1. ഉള്ളിലല്ലേ അപ്പോൾ കാണാമല്ലോ.
    നല്ല കവിത.

    ReplyDelete
  2. എനിക്കും വേണം മിട്ടായി..

    ReplyDelete
  3. മറക്കാനാവാത്ത കാഴ്ചകള്‍!

    ReplyDelete
  4. വില്‍ക്കുന്നവന്റെ കണ്ണുകളില്‍,
    മാടി വിളിക്കുന്ന കൈയ്യില്‍,
    പൊടിയുന്ന വിയര്‍പ്പില്‍ ,
    പോലും നിറമുള്ള മധുരം.

    നല്ല ഭാവന.കൊള്ളാം

    ReplyDelete
  5. ഓര്‍മ്മകള്‍ക്കെന്തു സുഗന്ധം..ബസ്‌ കൂലിക്ക് മുഴുവന്‍ 5 പൈസയുടെ മിട്ടായി വാങ്ങി, ആ ദൂരമത്രയും നടന്നു വരുന്ന ഒരു പെണ്‍കുട്ടി ഇപ്പോളും മായാതെ എന്റെ മനസ്സിലും :)

    ReplyDelete
  6. കപടലോകത്തിലഅത്മാര്‍ഥമായൊരു ഹൃദയവുമായി
    ഒരു ചങ്ങമ്പുഴി-
    കുഞ്ഞുണ്ണിമാഴിന്റെ വരികളെ മറന്നേക്കാം.
    എന്തായാലും കവിത രസായിട്ടുണ്ട്.

    ReplyDelete
  7. കവിത കൊള്ളാം,പുതുവത്സര ആശംസകള്‍‍ഇവിടെക്കൂടെ വാ

    ReplyDelete
  8. നന്ദി ഈ വായനയ്ക്കും സ്നേഹത്തിനും.......

    ശ്രീദേവി...അത് ഇഷ്ട്ടായി.......

    ReplyDelete

There was an error in this gadget