കണ്ണ് പിടയ്ക്കുന്നുണ്ട്,
തിരയുന്നുണ്ടാകണം,
കടല്‍ പരപ്പുള്ള രണ്ടുകണ്ണുകള്‍.
ഇമ ചിമ്മുബോള്‍
തിര തല്ലാതിരിക്കില്ല
ഉപ്പുരസമൂറും നീര്‍മണികള്‍.
മൂക്ക് ചൊറിയുന്നുണ്ട്,
ഓര്‍ക്കുന്നുണ്ടാകണം,
പറഞ്ഞിട്ടും തീരാഞ്ഞ,
അറിഞ്ഞിട്ടും പോരാഞ്ഞ
മനസ്സിന്റെ തിളക്കം.
തേങ്ങാതിരിക്കില്ല,
ഹൃദയത്തില്‍ പറ്റിച്ചേര്‍ന്ന
തീരാത്ത ഓര്‍മ്മകള്‍.
കാക്ക വിരുന്നു വിളിയ്ക്കുന്നുട്,
വേണ്ട കാക്കേ.....
പേരറിയാത്ത നാട്ടില്‍ നിന്ന്
നേരുള്ള മുഖവും
നെറിവുള്ള മനസ്സുമായി
അവന്‍ വിരുന്നുണ്ണാന്‍ വരുമെന്ന്
കരുതാന്‍ ഞാന്‍
പണ്ടേ പോലെ മണ്ടിയല്ല.....
(കാക്ക വിരുന്നു വിളിച്ചപ്പോള്‍ തോന്നിയത്) [:)]
