എന്നാണ്?

മൂപ്പ് നോക്കി നോക്കി ഇരുന്നു,

കണ്ണ് പെടാതിരിക്കാന്‍

കാക്കതൂവലും

കോര്‍ത്തുവെച്ചു,

നോട്ടം പിഴച്ചത്

പിന്നാംപുറത്തോരു

അനക്കം കേട്ടപ്പോളാണ്.

ഭീമന്‍ ചിറകു വിരിച്ചു

ഊര്‍ന്നിറങ്ങി

റാഞ്ചിയെടുത്ത്,

കൂര്‍ത്ത കൊക്ക് കൊണ്ട്

അടര്‍ത്തി വിഴുങ്ങുന്നത്

കണ്ടപ്പോള്‍

ചെറു ചിരിയോടെ ഓര്‍ത്തു,

എന്നാണ് ഞാന്‍ എന്‍റെ

സ്വപ്നങ്ങള്‍ മുറ്റത്ത്‌ കണ്ണീരു

പുരട്ടി ഉണങ്ങാന്‍ ഇട്ടത് ?